ក្នុងពិធីសំណេះសំណាលជាមួយបងប្អូនប្រជាពលរដ្ឋប្រមាណជាង ២ ៨០០ គ្រួសារ ដែលបានស្ម័គ្រចិត្តផ្លាស់ទីពីតំបន់១ និងតំបន់២ នៃរមណីយដ្ឋានអង្គរ មករស់នៅតំបន់អភិវឌ្ឍន៍ភូមិធម្មជាតិរុនតាឯក ឃុំរុនតាឯក ស្រុកបន្ទាយស្រី ខេត្តសៀមរាប នាព្រឹកថ្ងៃទី០ ១ ខែតុលា ឆ្នាំ២០២២ សម្ដេចតេជោ ហ៊ុន សែន មានប្រសាសន៍ថា ក្រសួងការបរទេស បានស្នើសុំយោបល់មកសម្ដេច ពាក់ព័ន្ធនឹងបញ្ហាធ្វើប្រជាមាតិ កាត់យកទឹកដីប្រទេសអ៊ុយក្រែនបញ្ចូលទៅឱ្យប្រទេសរុស្ស៊ី ថាតើកម្ពុជាមានជំហរយ៉ាងណានោះ សម្ដេចតេជោថ្លែងបញ្ជាក់ថា សម្ដេចធា្លប់បានប្រកាសហើយថា យើងអត់គាំទ្រទេ ហើយកម្ពុជាប្រឆាំងនឹងការបង្កើតរដ្ឋ ការផ្ដាច់រដ្ឋ ផ្ដាច់ទឹកដី ការប្រើប្រាស់កម្លាំង ដោយប្រឆាំងជាមួយការប្រើប្រាស់កម្លាំង ឬគម្រាមប្រើប្រាស់កម្លាំង។ ដូច្នេះគេអាចយល់បានហើយ ប្រសិនបើសេចក្ដីសម្រេចដែលព្រាងឡើងដោយសហរដ្ឋអាមេរិក និងអាល់បានី ដាក់ឆ្លងក្រុមប្រឹក្សាសន្តិសុខអង្គការសហប្រជាជាតិមិនបានទេ ច្បាស់ជាទៅមហាសន្និបាតអង្គការសហប្រជាជាតិហើយ។ សម្ដេចតេជោគូសបញ្ជាក់ទៀតថា កម្ពុជាអត់មានជម្រើសណាផ្សេង ព្រោះថា យើងគិតទៅមើល បើនៅសុខ ៗគេលើកទ័ពមកដាក់នៅខេត្ តសៀមរាបមួយ បន្ទាប់មកធ្វើប្រជាមាតិ ដើម្បីផ្ដាច់ខ្លួនថាខេត្តសៀមរាបជារដ្ឋឯករាជ្យមួយ តើយើងទទួលបានដែរ ឬអត់។ ពិតជាទទួលយកមិនបាននោះទេ។ សម្ដេចតេជោនាយករដ្ឋមន្ត្រីលើកឡើថា ករណីដូចគ្នាសូម្បីតែនៅអឺរ៉ុប ដូចជា កូសូវ៉ូ ដែលបង្កើតឡើងដោយណាតូ និងខាងអឺរ៉ុប ក៏យើងមកដល់ម៉ោងនេះ ក៏យើងមិនទទួលស្គាល់ទេ។ នេះជាជំហរជាក់លាក់របស់កម្ពុជា៕ដោយ៖ ជឹម ណារី សម្រួលផ្សាយដោយ៖ dara
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNW9EQkE9PSIsImV4cCI6bnVsbCwicHVyIjoiYmxvYl9pZCJ9fQ==--e33db32dce577e25a09a4956d87021038ddce5a5/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-10-01_09-57-25.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNXNEQkE9PSIsImV4cCI6bnVsbCwicHVyIjoiYmxvYl9pZCJ9fQ==--194649868d8392f9886156bd6508e234b2ceaa36/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-10-01_09-57-29.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNXdEQkE9PSIsImV4cCI6bnVsbCwicHVyIjoiYmxvYl9pZCJ9fQ==--8ac24599f384438bc434b546cbc7a460bfe89dce/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-10-01_09-57-34.jpg)
0 Comments:
Post a Comment