![]() |
យោងតាមសេចក្តីសម្រេចរបស់គណៈអចិន្រ្តៃយ៍ គណៈកម្មាធិការកណ្តាលសមាគមអតីតយុទ្ធជនកម្ពុជា ចុះថ្ងៃទី១៣ ខែកញ្ញា ឆ្នាំ២០២២ បានបញ្ជាក់ថា ត្រូវបានទទួលស្គាល់ ឯកឧត្ដម អ៊ូ សុបុណ្ណា ជាប្រធានគណៈកម្មាធិការ និងជាប្រធានគណៈអចិន្រ្តៃយ៍គណៈកម្មាធិការសមាគមអតីតយុទ្ធជនកម្ពុជាខេត្តក្រចេះ ជំនួសឯកឧត្ដម លន់ សុផាត ដែលត្រូវបានផ្លាស់ប្ដូរភារកិច្ច ។
ឯកឧត្តម នាយឧត្តមសេនីយ៍ គន់ គីម បានគូសបញ្ជាក់ថា ដើម្បីឆ្លើយតបទៅនឹងគុណបំណាច់មិនអាចកាត់ថ្លៃបាន របស់បងប្អូនអតីតយុទ្ធជន ក្នុងបុព្វហេតុស្វែងរកសុខសន្តិភាពជូនប្រទេសជាតិមាតុភូមិ អាជ្ញាធរមានសមត្ថកិច្ច មន្ទីរជំនាញពាក់ព័ន្ធ ត្រូវបង្កើនការយកចិត្តទុកដាក់ចំពោះសុខទុក្ខ ការលំបាកក្នុងជីវភាពរស់នៅរបស់បងប្អូនក្រុមគ្រួសារអតីតយុទ្ធជន ឱ្យបានល្អថែមទៀត ។ ឯកឧត្ដមបានណែនាំដល់ឯកឧត្តមជាប្រធានសមាគមន ដែលទើបតែតាំងថ្មីនាពេលនេះ ត្រូវបន្តអនុវត្តន៍ការងារឱ្យបានល្អ ចុះស្រង់ស្ថិតិស្ថានភាពអតីតយុទ្ធជនក្រីក្រ និងផ្តល់ជូនសម្ភារ គ្រឿងឧបភោគបរិភោគជូនពួកគាត់ តាមរយ:ប៉ុស្តិ៍នគរបាលរដ្ឋបាលឃុំ- សង្កាត់នីមួយៗ ពិសេសក្នុងពេលបុណ្យភ្ជុំបិណ្ឌ និងបុណ្យជាតិនានាទៀត បន្តត្រួតពិនិត្យអតីតយុទ្ធជនក្រីក្រ ខ្វះខាតដីពិតប្រាកដ ដើម្បីធ្វើការផ្តល់ជូនឱ្យពួកគាត់ទទួលបានទ្រព្យសម្បត្តិ និងមានសិទ្ធិកាន់កាប់ប្រើប្រាស់អាស្រ័យផល ក្នុងការរស់នៅប្រចាំថ្ងៃ ប្រកបដោយភាពស្ងប់ចិត្ត និងសប្បាយរីករាយដូចអតីតយុទ្ធជនដទៃទៀតដែរ។ ត្រូវខិតខំដោះស្រាយបញ្ហាទំនាស់ដីធ្លីជូនពួក គាត់ប្រកបដោយតម្លាភាពនិងប្រសិទ្ធភាព ចុះសួរសុខទុក្ខសម្របសម្រួលនិងជំរុញឱ្យពួកគាត់មកចូលរួមចាក់វ៉ាក់សាំងការពារជំងឺកូវីដ-១៩ ឱ្យបានគ្រប់ៗគ្នា ។
ឯកឧត្ដមនាយឧត្ដមសេនីយ៍ គន់ គីម ក៏បានជំរុញឱ្យប្រធានសមាគមអតីតយុទ្ធជនកម្ពុជាខេត្ត ត្រូវឧស្សាហ៍ចុះសួរសុខទុក្ខបងប្អូន ជាសមាជិកអតីតយុទ្ធជន ផ្សាភ្ជាប់ការរស់នៅប្រចាំថ្ងៃ ដើម្បីបញ្ជាក់ពីការគិតគូរយកចិត្តទុកដាក់ពីអាណាព្យាបាល ដើម្បីបង្កើនភាពស្និទ្ធ ស្នាល រវាងអ្នកចាស់និងអ្នកថ្មី និងរវាងក្មេង និងមនុស្សចាស់ តបតាមអនុសាសន៍ដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន ប្រមុខដឹកនាំរាជរដ្ឋាភិបាលកម្ពុជា ៕ ដោយជួន សុជាតិ សម្រួលផ្សាយដោយ៖ dara
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBeTMxQXc9PSIsImV4cCI6bnVsbCwicHVyIjoiYmxvYl9pZCJ9fQ==--3496180450812c1ffed38087dd5076fcb5dc3ee6/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-09-15_10-05-10.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBekQxQXc9PSIsImV4cCI6bnVsbCwicHVyIjoiYmxvYl9pZCJ9fQ==--c17df02618efd94b610cf1171d18af7e79ec1a79/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-09-15_10-04-57.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBeTcxQXc9PSIsImV4cCI6bnVsbCwicHVyIjoiYmxvYl9pZCJ9fQ==--274a56a1fd082a571da6d53db6ed91403846a47b/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-09-15_10-05-01.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBeS8xQXc9PSIsImV4cCI6bnVsbCwicHVyIjoiYmxvYl9pZCJ9fQ==--e41e9aa4b7b92fd798af0343fb4618e3f08eb2f7/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-09-15_10-05-06.jpg)
![]() |
0 Comments:
Post a Comment